0401【世界因為有你】
城市也莊下，無名英雄多，
有个打早在大路拚掃，有个企在路口指揮交通，有个蹶上高樓煞猛救火。
捱兜正做得平平和和，捱兜正做得無愁無慮，捱兜正做得快樂唱歌。
佢兜總係恬恬仔做，毋會膨風講大話，也毋會自家展功勞。
無名英雄，人人阿腦，發光發熱，在逐個場所。
啊！世界因為有你，正會變到恁好。
0402【承蒙】
承蒙，天公，分捱星仔月光，
分捱雨水涼風，
分捱燒暖个日頭，
分捱彎彎个天弓。
你有闊闊个心胸，
麼个怨嘆都包容。
承蒙，地泥，分捱五榖青菜，
分捱靚花大樹，
分捱烏烏个火炭，
分捱………(文字與聲音檔不同)
樣般挖啊樣般鑽，
毋識喊過一聲苦。
雙腳踏地，探頭看天，講一句：
恁仔細，承蒙你！
帶到這位，捱會痛惜天也會痛惜地。